西門町台灣麵食 (已結業)

我們一行六人，坐下不久，有數人已覺得冷氣凍得緊要，其風口向正我們猛吹，我們由坐下至order完，大約10分鐘，有兩人已真的凍得忍唔住，便向店員請求關細一點個冷氣，或是將風口撥離我們，不要吹住我地頭部，因為咁吹法，好快會吹到頭痛。而桌上的紙巾，亦都被吹得飛起晒。開頭，其中一個店員答ok, 佢就叫另一店員關細d個冷氣，但過左幾分鐘，無人做野，我地再請求他們多一次，又係無人理。到第三次，那位人兄好不客氣地話，冷氣無得再細，咁我地話，唔細，但可唔可以把風口撥向其他地方，不要向住d人既頭部，佢又話唔得，咁，再問他可否搵d紙暫時遮一遮住個風口，佢都話唔得。我要強調，佢當時係一副愛理不理和好唔耐煩既態度。那兩位被吹到正的朋友已開始頭痛了，咁我地只好走人，所以，也未知這店食物的水準。雖則身處女人街，你們生意也唔休做，但態度也不須那么差吧。