La Postre (厚福街) (已結業)

食物質素一般啦，沙律有幾粒紅番石榴都幾少有，而櫻花蝦忌廉湯好特別，櫻花蝦味好濃，湯都幾滑。散叫主菜係龍蝦汁牛油果煙三文魚 寬麵 ，龍蝦汁味道唔太出，被煙三文魚咸味蓋咗，但寬麵軟硬適中，都ok嘅。另一個主菜係黑毛豬 配黑松露雜菌，黑毛豬香煎得剛剛好，有少少脆邊但肉質夠冧夠多汁，脂肪位又唔會太蘇，只係個汁底咸咗少少，同埋份量比較少。而雜菌 個黑松露又唔係好夠香無乜味，失色好多。之後叫咗餐飲，熱朱古力 同蜂蜜玫瑰茶，2杯都要加15蚊，因為無杯用待應哥哥好有禮貌問我地等唔等多陣，都真係第一次聽。熱朱古力太重奶味另一半唔係好受得，但玫瑰花茶返而幾清，又有茶味，只係飲到底略太甜。整體食物水準一般ok的，服務唔錯，收碟都收得幾快，又會幫手擺好d 碗碟。係分量少咗d,成個感覺太港女餐廳唔係我口味。