養心殿台式養生鍋 (已結業)

情人節當晚周圍book唔多餐廳，我地二人又鐘意打邊爐，最後揀咗呢間 book咗兩位上去食。去到環境都幾寬落，坐咗張二人枱。但落單，揮咗好落手先有人應。成餐飯每次要搵人，都要揮十世手先搵到人，個個行過唔會望下周圍，係有個白色衫鬍鬚仔肯應下，服務態度幾好。Fb打卡有野飲送，嗌咗兩杯咸檸七，但遲遲未到，後尾幾經辛苦搵到個長毛男人詢問，我話爭兩杯野飲未到，佢開咗兩支可樂過黎，我話我要咸檸七喎，佢竟然碌大隻眼，用好兇狠嘅眼神睥住我，凶我話 你又話可樂？我話我係話爭兩杯野飲。後尾有第二個店員攞咗兩杯咸檸七黎，仲要計咗錢，明明打卡應該免費送。兩個人嗌咗少少野食都成千蚊埋單，野食質素係唔錯，但太貴，而且比人凶，食完好唔安樂。