譽滿點心專門店 (已搬遷) 新店位置

大部分人一日都有最少三餐，我自己也是，不過，我由細都大都好中意食點心，三餐我都唔會厭。今日同屋企人去左食間開左無耐嘅點心專門店，睇番張點心紙，原來叫譽滿。入到去啲staff都各有各忙，不過我地自己坐低左，然後佢地即刻過黎問飲乜茶，態度語氣都幾好，啲人動作好快手。令我好奇嘅係，連接手點手紙到落嘢收嘢之間我都會聽到唔好意思呀嗰類嘅禮貌字句，聽到都覺得幾舒服，如果係咁平民嘅餐廳已經算係咁，唔講以為係有訓練過。無論係衣著高貴嘅客人，抑或衣衫襤褸嘅阿叔，甚至係行動不便嘅公公婆婆，我都睇到職員們嘅友善同禮貌，原因係現今嘅香港對於飲食業嘅服務態度已經越來越低要求，估唔到呢種平民餐廳都可以provide到好嘅服務。最後，我會彈嘅只係略嫌店內冷氣唔夠，一入爆曬客就會比較熱而影響食慾，呢個係佢地要改善嘅地方。要讚嘅係服務比較貼心，相信九龍城嘅一班老街坊平時又多左個選擇。