山下菓子 (T.O.P This is Our Place) (已改名) 查看

黎呢度食好老實講係因為比個甜品放題吸引，但原來黎度員工講先知要食哂大部分主食先可以叫，你要人食埋但得個九十分鐘食唔緊要，但最少要寫係條款！仲要一開始對個男員工，落單又冇比個甜點放題紙，問咗第二位拎，男員工又要勁差態度，光明正大係餐廳門口㩒手機，其實唔鐘意，可以唔番工，又冇人迫你！個意粉幾好食，但份量係多蕯利亞少少🤢食個芝士奶蓋抹茶布甸，我以為自己食左一堆鹽落口。同朋友叫芝士焦糖布甸燒，一個正常一個係苦。食咗三百幾，但我寧願比三百幾去對面旺中掃街，多謝呢間鋪頭嘅教導，比錢買難受，你地想難受就去啦！