北海丼 (已結業)

星期日放假去咗位於太古城嘅「北海丼」同女朋友食Lunch 😎入面裝修以木為主題, 燈光好足夠，座位亦舒服👍🏻由於星期六日冇Lunch Set，我哋叫左「魚生親子丼」同「炙燒海鮮丼」做主食，另外叫左炸魷魚鬚小食。魚生親子丼🐟：食得出魚生同魚子都非常新鮮，唔係一般係街市買翻嚟嗰種隔夜味。建議加埋豉油同芥末，可以帶出鮮味。炙燒海鮮丼🔥：本身以為熟食會比較馬虎，點知非常有驚喜。個燒蛋甜美啱啱好，亦其他海鮮炙燒得嚟冇Overcooked，香口鬆軟。炸魷魚鬚：食得出用新鮮油即炸。唔會話非常特別，但係事關女朋友太鍾意食，都冇後悔叫到。因為餐廳都係走新鮮食材路線，加上喺太古城，價格比起其他海鮮丼餐廳偏高。但我覺得服務整體好好，Waiter經常加茶又有禮貌，係值呢個價。