喜月 - 澳門賽馬會會員會所 (已結業)

有好多時都同老闆來澳賽食o野﹐service方面幾好﹐waiter/waitress見到你杯茶冇乜時﹐佢地會自動自覺幫你加水。食物方面水準中上。一行六人﹐叫左個餐。醉雞﹐炸素鵝﹐雞絲粉皮﹐魚翅湯﹐蟹粉炒蝦球﹐蟹粉小籠飽﹐黃金炸桂花魚﹐上湯豆苗﹐上海粗炒﹐生果拼盤。每一樣既質素同味道都好好﹐較特別及好味既有蟹粉炒蝦球&黃金炸桂花魚。前者係用蟹羔﹐蟹肉同D蝦仁一齊炒﹐味道濃郁﹐好有蟹味但有些油膩。後者係炸桂花魚﹐而所為黃金係好似係絞碎既豬肉(唔肯定)煎到半乾半濕再混入蒜蓉灑係條魚上面。食落去好香﹐唔油膩, 好juicy. 不知道價錢係幾多﹐因為每次都係老闆點菜同埋單﹐但一定唔會平。