藍象泰國餐廳 (已結業)

職員態度差，（除左有一位後生女及男仔較好d外）， 呢度職員語氣及眼神都好差，如果我去茶餐廳，我都覺得算，但無諗過係呢度食野都要受氣咁。最令人驚訝係，無檸檬。afternoon tea set 有一杯野飲，但職員話無檸檬，仲要同我地解釋因假期之類，無人送貨。其實檸檬真係好common, 可以去supermarket 買架，唔係好貴者。我同父母去，佢地唔飲咖啡，奶茶都唔多飲。只想叫杯熱檸水者，咁都無。真估唔到咁大間餐廳連檸檬都無，但又唔諗方法去解決極失望。之後，食物到齊後再叫一杯熱咖啡，勁耐都唔到，又聽到職員話又叫咖啡，又2位職員行黎望你張枱，俾人感覺質疑我地係唔係呃佢咁，叫多一杯。另外，仲要問親佢地野（尤其有2個較年長既侍應，其中一個好似高級d) 同佢講野，唔應人，無反應，轉身走。講真，真係除左個後生女及仔好d外，其他職員無笑容，語氣及態度差。