影片
更多
2008-09-15
37 浏览
尋日屋企人訂左一圍半,14個人去食飯慶中秋我同妹妹行完街先到,所以就兩個上左去坐先一坐底,嘩!d杯真係污糟到冇得頂,勁多白色一撻撻漬,係每一隻都係!即刻同個名姐反映,佢只係換左一隻乾淨杯俾我就算我再同經理講,佢同我講"呢d唔係漬,係花左姐"之後又係換左一隻俾我之後見佢行過去阿姐果邊針密計,阿姐笑住咁講"冇計啦我地d杯係一d乾淨一d污糟左d嫁啦~"我同妹妹見其他台d杯都冇咩野我地用滾水洗下d杯,洗左好耐d水就變小小灰白色,但杯仍係咁污糟我同妹妹都比較細個,十幾歲度,唔知係咪咁佢就唔理我地啦!屋企人到齊之後就上菜,以為服務夠差啦,點知原來都未夠野食差!芝士龍蝦伊麵龍蝦係幾大隻,不過上台時一d芝士味都冇,食落都係冇芝士味,早知叫上湯龍蝦伊麵好過珊瑚蚌帶子炒甜豆甜豆爽脆都ok,個珊瑚蚌一d味都冇,似白烚,帶子仲衰,一陣霉霉地味!炸蟹鉗皮好難咬開,舊野十分之乾,一d汁都冇鴨掌鮑片我咁大個女第一次食甜o既"鮑片",口感好奇怪,肯定唔係鮑魚瑤柱香菇扒生菜算是比較好食的一道勸.普普通通唔知咩野翅入面係有好多粒粒帶子同蝦肉,不過帶子又係有陣怪味,蝦肉好咸,d翅細到係個口感覺唔到蒸石斑味道幾好,但有小小o
我同妹妹行完街先到,所以就兩個上左去坐先
一坐底,嘩!d杯真係污糟到冇得頂,勁多白色一撻撻漬,係每一隻都係!
即刻同個名姐反映,佢只係換左一隻乾淨杯俾我就算
我再同經理講,佢同我講"呢d唔係漬,係花左姐"之後又係換左一隻俾我
之後見佢行過去阿姐果邊針密計,阿姐笑住咁講"冇計啦我地d杯係一d乾淨一d污糟左d嫁啦~"
我同妹妹見其他台d杯都冇咩野
我地用滾水洗下d杯,洗左好耐d水就變小小灰白色,但杯仍係咁污糟
我同妹妹都比較細個,十幾歲度,唔知係咪咁佢就唔理我地啦!
屋企人到齊之後就上菜,以為服務夠差啦,點知原來都未夠野食差!
芝士龍蝦伊麵
龍蝦係幾大隻,不過上台時一d芝士味都冇,食落都係冇芝士味,早知叫上湯龍蝦伊麵好過
珊瑚蚌帶子炒甜豆
甜豆爽脆都ok,個珊瑚蚌一d味都冇,似白烚,帶子仲衰,一陣霉霉地味!
炸蟹鉗
皮好難咬開,舊野十分之乾,一d汁都冇
鴨掌鮑片
我咁大個女第一次食甜o既"鮑片",口感好奇怪,肯定唔係鮑魚
瑤柱香菇扒生菜
算是比較好食的一道勸.普普通通
唔知咩野翅
入面係有好多粒粒帶子同蝦肉,不過帶子又係有陣怪味,蝦肉好咸,d翅細到係個口感覺唔到
蒸石斑
味道幾好,但有小小over cook,一食魚皮滿口都是魚鱗,都係唔掂呀!
炸子雞
皮十分脆,好香口,不過好咸食完好口乾
炒飯同伊麵
炒飯加了粟米,但係d粟米十分之咸,好難食
伊麵好多油,一食落只覺油林林,冇味
甜品送了已切的月餅.紅豆芝麻湯丸,生果盤
唔好意思都要講句,我成晚最欣賞都只係湯丸同生果盤
另外,服務只真係好差,d阿姐可以一邊上菜一邊自己傾計
我地夾緊野時佢地掛住傾住計咁上菜,完全冇理到客人感受!
张贴
