翡翠拉麵小籠包 (已結業)

今晚去咗食翡翠拉麵，六點半，趁早冇人排隊，waiter問，我哋兩個人，如果座卡位就一個鐘埋單，有冇問題，我又唔係食快餐，做咩要咁限時jet？所以我哋唔坐，要一張二人檯。張檯就真係好細，碗筷都佔左半張檯，醬料又佔左唔少位置，我哋仲講笑，唔好叫太多野食，張檯冇咁大！所以我哋叫左三樣野jet，擔擔麵、八仙素齊卷同淨雲吞。落單個位侍應好細心，唔錯！亦都係唯一有水準嘅侍應囉。擔擔麵一嚟賣相好鬼差，好似比人摷亂左咁，味道冇以前食過咁好食；雲吞都幾好，皮好薄；八仙素齊卷好清，唔油，味道一般。可能太多人外面等位關係，侍應好快會收晒你食完嘅嘢，我同同事其實想坐多陣傾吓計嘅，最後點知連茶都唔斟比我，過份！