Meraviglia Bar e Ristorante (已結業)

無相，因食物賣相完全不需要映。1點40幾分入座，2點先有人理我地，不過已經講明無任何 pizza 。既然坐底左就單點左1份海鮮意粉同1份松露risotto 。等緊時發現張台上邊塊長布，仲有食物跡同麵包碎。First, 落單半小時後… 海鮮意粉 (full size) ，海鮮(蝦仁咁大隻蝦3隻，3隻細青口，3隻細蜆) 唔新鮮，分量基本上女仔一個人都唔够食！到呢度我地終於唔等，開聲問佢要杯水。再過半小時後… 份Risotto (都係 full size) 得個超creamy可形容(所以好飽好膩)，無乜菇，亦唔入味，松露唔係磨的，不過都有2塊手指甲咁大嘅… 都係無味。個經理(全店唯一白衫男人)態度差，又當客人面同廚師嘈交。親耳聽住另一 waiter 同佢講出邊有客坐，佢話“無叫我地就唔好理佢地“。咁嘅服務真係不是一般的經理。咁嘅食物加服務，賣單 HKD700+！其他食客我唔知，不過我自己就唔會再俾機會。