杏花樓甜品 (已結業)

聽聞諾士佛臺附近新開左間連鎖式甜品旗艦店上星期四就與同事結伴食lunch我叫左個鮮茄牛肉米線，嘩，一點落單，一點三十八分都未有得食莫講同事食飽，就連遲過我地落單既都食飽走人添囉問阿姐有冇落單，佢又話有，但我等左半個幾鐘都冇嘢食係事實喎又話幫我追，咁一追又冇左十分鐘好喇，米線珊珊來遲都算喇，鮮茄湯底紅到重慶火鍋湯底咁又冇乜蕃茄味，而且牛肉都唔靚，冇牛肉味之餘又韌食食下都唔想食要知道午飯時間係分秒必爭，根本唔容許等一碗麵要等半個幾鐘，況且工序又唔係多最慘既係望住人食，自己就餓住肚等半個鐘如果阿姐真係有落單，咁即係那個電腦失職啦唉，食餐飯食到一肚氣，又貴又唔好食，去佢樓下嗰間食仲好過