影片
更多
2014-05-04
850 浏览
與男友兩個人來食晚飯，因公眾假期前夕，餐廳人較多，要搭檯，可理解。落單時，店員不停提醒你，只可落兩次單，潛台詞大概係叫你唔好分開幾次叫野食，阻住佢張檯。我地叫左炒年糕同石頭窩飯，(總共＄160)。年糕軟硬度適中，味道正常，豬肉略嫌少左DD。石頭窩飯好夠熱，可能因為咁，飯焦較多，飯稍為硬左D，但味道可以。食物份量都夠，整體味道正常，但唔算得上美味，呢個價錢應該可以食得更好。講完野食，到服務 － 簡直差到令人驚訝。我地食完，一放低筷子，店員即神速上前，嘴裡邊問你「D野仲要唔要」，手已經極有效率地收抬緊你碗碗筷筷。5秒後，再以迅雷不及掩耳o既速度「飛」一張單去你面前。其實，我地根本未叫埋單。 反正單已經自動送左過黎，咁諗住走人，但發覺銀包唔夠cash俾，問店員有無得簽卡，佢話無，EPS都唔收，咁好啦，男朋友出去街口㩒錢，我o係度等。過左幾分鐘，突然一個類似事頭婆的阿姨無啦啦對住我大聲嗌 ：「小姐呀你出黎等啦好無呀！？你咁樣阻住我張檯呀！我地九點半關門呀，你咁樣我無檯俾客呀！」 呢位阿姨不止大聲，仲要語帶委屈，好似係求左我好多次，我仍然賴死唔走咁。而事實上，之前從來無店員建議我去另一
落單時，店員不停提醒你，只可落兩次單，潛台詞大概係叫你唔好分開幾次叫野食，阻住佢張檯。
我地叫左炒年糕同石頭窩飯，(總共＄160)。
年糕軟硬度適中，味道正常，豬肉略嫌少左DD。石頭窩飯好夠熱，可能因為咁，飯焦較多，飯稍為硬左D，但味道可以。食物份量都夠，整體味道正常，但唔算得上美味，呢個價錢應該可以食得更好。
講完野食，到服務 － 簡直差到令人驚訝。
我地食完，一放低筷子，店員即神速上前，嘴裡邊問你「D野仲要唔要」，手已經極有效率地收抬緊你碗碗筷筷。5秒後，再以迅雷不及掩耳o既速度「飛」一張單去你面前。其實，我地根本未叫埋單。
反正單已經自動送左過黎，咁諗住走人，但發覺銀包唔夠cash俾，問店員有無得簽卡，佢話無，EPS都唔收，咁好啦，男朋友出去街口㩒錢，我o係度等。
過左幾分鐘，突然一個類似事頭婆的阿姨無啦啦對住我大聲嗌 ：「小姐呀你出黎等啦好無呀！？你咁樣阻住我張檯呀！我地九點半關門呀，你咁樣我無檯俾客呀！」 呢位阿姨不止大聲，仲要語帶委屈，好似係求左我好多次，我仍然賴死唔走咁。而事實上，之前從來無店員建議我去另一度等。
Fine, 我拿起自己同男友o既袋，出去門口等。點之過左1分鐘，阿姨又大聲問佢其中一位同事：「個女仔呢！？去左邊！？」然後再望到企門口o既我, 就指住餐廳內o既角落頭，又喝：「你行入去o個邊等呀！」講完又跑開左。
我向阿姨位同事回答一句：「又係你地話要檯，叫我出去等o既??」呢位店員答：「佢怕你走左去呀。」答完之後都係行左去，無再理我。
呢個時候，男朋友回來了，其實由佢行開至返黎，都只係幾分鐘o既時間。
呢間阿之媽，服務態度真係令人難以接受 ：
1. 其實我地坐低至食完 (計埋等食物)，都係30分鐘之內o既時間，都唔係話慢慢食，阻佢做生意咁。假設我地習慣慢食o既，我男友出去o個幾分鐘，我地本來可能仲食緊。收費又唔算平，但竟然坐多幾分鐘都唔得。
2. 食完都未夠1分鐘就飛張單俾你局你埋單走人，令人感覺好討厭。
3. 就算你唔想我食完坐o係度阻住張檯，OK我明白，俾返張檯你唔係問題，但你又係咪需要咁o既語氣趕人走？店員阿姨毫無先兆地發悔氣，講到我好似死都唔肯走咁。 其實你又唔早D同我講，又唔建議，我鬼知你咁急要收返張檯？你唔出聲，我唔知你忍得咁辛苦架喎。
4. 趕人走又唔講明行去邊度等，咁我自自然然去餐廳門口等啦，一陣我留o係入面企o係度等，你咪又係覺得我阻住你送餐。轉個頭原來你又驚我走數。
呢間食店，永世唔會再來，俾錢買難受！！
题外话/补充资料：
服務差劣
(以上食记乃用户个人意见 , 并不代表OpenRice之观点。)
张贴