新斗記 (已結業)

平時食開荃灣間新斗記，今次食尖沙咀，真係以為自己去錯左假既新斗記，服務仲衰過九流酒樓！1）1月22日食晚飯，叫左6-8人餐，竟然食到最後可以漏左一碟海中蝦無上，佢地都唔知，要個客拎著餐牌同佢講先知。最後竟然然話無海中蝦，炒番蝦球作罷！2）食乳豬，好聲好氣叫職員講轉細碟，個職員話：「你自己搞啦，我邊得閒同你整！」3）明明個餐包埋糖水，最後佢話冇晒，冇得送，仲講好似我地好似貪佢乜咁！以$3000既餐，有呢個服務水平，簡直不知所謂！