スーパー丼 (駱克道) (已結業)

食物先唔講，但服務態度由入門口到離開果刻都真心差。作為一間價錢都唔平嘅日本餐廳，點解服務可以仲衰過茶餐廳？個個輕挑𡃁仔好似開party多過做嘢，9:30入到餐廳明顯佢地趕收工，逼你快D落單，嘢食未到就比張單你埋，都無所謂，但眼見廚師又玩電話又吹水，隔離檯上埋菜走埋我碗魚生飯都未到，問一問原來完全冇睇到我張單！上菜後一直棟係度睇住我食....我明你想收工，但如果你咁想走就唔該你準時上菜啦！野食質素其實唔差，但呢個價錢其他地方都食到一樣嘅嘢，仲要唔使食到一肚氣添