泰巷 (都會駅商場)

係住宅區開餐廳一定有老人家幫襯， 佢哋唔識攞位都可以理解 ，但都唔係要大聲話佢哋，點餐嗰陣時service我哋嗰個waitress都唔差，不過見到隔離枱 嗰個點完餐喺度反白眼 。同我哋同一時間點餐 ，我個咖哩飯到咗隔離枱啲面都到曬，過咗一陣追單，個經理鬼咁大聲講“落咗單等等啦 ”講到差唔多全間餐廳都聽到，我哋有冇聾，唔使咁大聲呀！ 到隔離枱都食曬個麵 我個咖哩飯 都食咗 三分二 ，再催單 個經理又喺後面講“啲客都發爛渣啦”， 等咗咁耐吹下你單就話我發爛渣 ，我去食嘢都未試過咁嬲 ，茶餐廳嘅服務態度都好過你多多聲（唔係話茶餐廳唔好）。 啲嘢食雖然唔差，但啲服務真係差到不得了。重要唔係平。食個下午茶都要受你氣，無下次