祥興記上海生煎包私房菜 (已結業)

生煎包，香港無邊幾間好食，以前都有幾間連鎖店做得還可以，衣家就全部都唔得，一係包太韌、一係無肉汁、一係底唔脆口…生煎包，真係上海既小揚做得最好，衣家雖然分店林立，但係我去過多家分店，味道都幾乎一樣，最緊要係皮夠簿、底夠香脆、肉夠湯汁…上海生煎皇，聽過名就即刻聯想起小揚，兩年多前曾經係荃灣店食過，皮還可以，湯汁都係油，做得唔好，今次去土瓜灣分店，叫左﹕生煎包，外貌真係幾好，而且溫度保存得好，雖然煎完一段時間，但仍然滚熱辣，皮簿，而且個底脆口，算唔錯，可惜肉餡大實，美中不足。排骨菜飯，係上海飯店既基本菜式，呢個菜飯，D菜已經黃晒，豬扒勁薄切，炒肉片咁既厚度，兼且豆粉用得大多，口感唔好，大家樂以前既排骨菜飯好食過佢多多聲！上海菜肉雲吞﹕塊皮太大，餡料太小，味道還可以！全程服務店都係黑面，好似唔想做咁，叫佢埋黎，好似煩到佢咁，影響成餐飯既心情。