影片
更多
2021-12-22
596 浏览
Weekend去左Elements行街, 而且最近口痕好想食片皮鴨, openrice search見到開咗間新嘅中菜, 所以特登早d book位去試吓~好彩有book位, 店員安排左一個好舒服而且好闊落嘅4人大枱比我哋, 表示滿意👍🏻💯我哋嗌咗午市四人套餐 $1488前菜分別有三款, 麻香黑金鳳爪, 花雕醉雞, 糖醋小排骨麻香黑金鳳爪 - 呢個前菜係辣嘅, 而且都幾麻, 鍾意食麻香應該幾啱胃口, 而且鳳爪嘅份量都唔少, 唔錯唔錯☺️只係略嫌對我來講太油膩🙈花雕醉雞- 雞件幾入味而且好滑, 酒味好出, 好開胃💛糖醋小排骨 - 擺盤好靚, 而且份量都唔少, 我覺得佢哋調嘅糖醋比例剛剛好, 而且排骨都好lum主菜都有四款, 松子桂花魚, 片皮鴨(半隻), 黑毛豬紅燒肉, 荷塘素小炒松子桂花魚上菜嘅時候有啲嚇親, 估唔到條魚係咁大🙈松子魚嘅精粹就係要林左醬汁上去, 都仲可以keep到魚身香脆嘅感覺, 呢樣佢哋做到👍🏻而且店員亦都會好細心咁會幫你分好啲肉出嚟片皮鴨 (半隻)係我滿心期待嘅片皮鴨👏🏻 一嚟到好香鴨味, 鴨皮烤得好香脆, 而且唔係好油膩, 店員仲同我哋講廚師特別切除左鴨嘅脂肪, 所以
好彩有book位, 店員安排左一個好舒服而且好闊落嘅4人大枱比我哋, 表示滿意👍🏻💯
我哋嗌咗午市四人套餐 $1488
前菜分別有三款, 麻香黑金鳳爪, 花雕醉雞, 糖醋小排骨
麻香黑金鳳爪 - 呢個前菜係辣嘅, 而且都幾麻, 鍾意食麻香應該幾啱胃口, 而且鳳爪嘅份量都唔少, 唔錯唔錯☺️只係略嫌對我來講太油膩🙈
花雕醉雞- 雞件幾入味而且好滑, 酒味好出, 好開胃💛
糖醋小排骨 - 擺盤好靚, 而且份量都唔少, 我覺得佢哋調嘅糖醋比例剛剛好, 而且排骨都好lum
主菜都有四款, 松子桂花魚, 片皮鴨(半隻), 黑毛豬紅燒肉, 荷塘素小炒
松子桂花魚
上菜嘅時候有啲嚇親, 估唔到條魚係咁大🙈
松子魚嘅精粹就係要林左醬汁上去, 都仲可以keep到魚身香脆嘅感覺, 呢樣佢哋做到👍🏻
而且店員亦都會好細心咁會幫你分好啲肉出嚟
片皮鴨 (半隻)
係我滿心期待嘅片皮鴨👏🏻
一嚟到好香鴨味, 鴨皮烤得好香脆, 而且唔係好油膩, 店員仲同我哋講廚師特別切除左鴨嘅脂肪, 所以食落都會健康啲冇咁有罪惡感😝
加埋啲配菜同醬汁, 呢個價錢食到呢個質素, 真係唔錯🤤
仲有一樣特別要讚賞嘅係片皮鴨嘅碟下面仲附上個櫃桶仔, 裏面好貼心咁樣放咗濕紙巾同埋手套, 咁就唔怕整污糟隻手, 而且食起上嚟就會更衛生啦☺️
黑毛豬紅燒肉
呢個菜式平時我係好少嗌, 因為覺得好油膩, 不過今次嘅午市套餐包埋咁就一於試吓啦!
估唔到食落有幾有驚喜, 紅燒肉上面配左鵪鶉蛋, 咁樣嘅配搭食落口感都幾得意, 而且紅燒肉係林到唔洗點咬都可以吞😂不過略嫌呢個份量有d多, 而且紅燒肉一般都係比較滯嘅菜式所以真係食唔晒🙈
荷塘素小炒
呢款係炒素菜, 用嚟中和返食咗咁多肉嘅油膩感, 裏面有南瓜, 筍, 百合等等, 炒得好爽脆
點心 - 鮮肉小籠包
一籠4隻, 個皮好薄, 但用筷子夾起嚟都夠力托到啲湯同埋肉餡, 唔會穿👍🏻 湯汁同餡料配起嚟夠鮮味😋
最後點少得甜品 - 香蕉豆沙鍋餅
一上碟熱辣辣一定要趁熱食, 咬落好鬆軟好有香蕉味, 包住滿滿嘅豆沙餡, 好滿足嘅感覺🤤
整體黎講，以Elements黎講, 我覺得呢個午市套餐算抵食, 而且睇得出餐廳係有用心裝修嘅! Lunch set份量太多, 我哋4個人都食唔晒, 認真食到片皮鴨嘅時候我已經覺得好飽😅
而且呢間服務我會比5星, 每次上菜嘅時候店員都會做個簡單嘅菜式介紹, 會主動幫我加茶同紙巾, 好舒服同好有賓至如歸嘅感覺💯
希望下次再嚟試吓其他菜式🤗
张贴
