林記牛什清湯腩 (已結業)

同朋友路經土瓜灣，本身食咗午餐，其實唔肚餓，但朋友極力推介了這間清湯腩，所以一試。真心香港食清湯腩嘅地方好多，所以亦都冇抱太大期望。不過呢碗清湯腩，真係令我有驚喜。腩邊爽，有嚼頭，但不韌。腩位肉香和滑，肉質不鬆散。湯頭唔錯，清得來係有味嘅。平時少去土瓜灣區，但今次後覺得以後來也要再食😋😋😋😋我同老闆讚呢碗清湯腩嘅時候，佢仲好謙虛話因為佢哋用靚嘅料，同我呢舊啱啱整起，特別好味 ✌🏻️食完之後，朋友話豬手都好好味，我就買咗一碗返去屋企加送，屋企人都食到嘴舐舐。以上一切令未寫過食評嘅我，都忍唔住要上嚟支持一下呢間小店。