滿屋日本料理 (大鴻輝(荃灣)中心) (已結業)

質素真係好一般 ，先唔好講不斷漏單， 而且食物嘅水準都係好一般， 服務亦都係好差， 不斷要叫人哋收碟，同埋人手嚴重不足， 成日都搵唔到服務員，叫咗好多嘢最後都冇嚟到要催單， 再唔係就將一啲我哋冇叫嘅食物放喺我哋枱面，然之後就走咗去， 上菜又上得好慢， 全晚我覺得最好食嘅都只不覺係牛舌， 刺身好一般唔算好新鮮， 嘢食嘅款式亦都唔算太多，但係價錢就同大喜屋差不多, 如果唔係地方就腳都唔會嚟呢一度食，下次應該唔會再幫襯因為服務真係太差，佢除咗牛舌之外，唯一值得讚嘅就係飲品方面有好多選擇，而且有好多新嘅飲品款式。