御名園

营业中

休息中

餐廳環境闊落，裝修高雅新淨，茶壺都特別靚，三個人都俾六人枱，幾好。羊肚菌南北杏燉花膠湯 $38.8非常足料，湯料多到差啲放唔到隻匙羹落去😂湯鮮甜，唔覺有味精，雞肉唔韌可以食埋都無問題。美國桶蠔（薑蔥焗） $168蠔超級大隻，蠔邊煎得脆卜卜，肉嫩滑唔腥，加薑蔥非常香口惹味。金銀絲蒸聖子 $38/隻聖子唔算好大隻，但呢個價錢絕對收貨。肉質好易咬，唔韌，蒜蓉豉油調味適中。椒絲腐乳通菜 $88餐牌上面無，但家人好想食，職員好好幫手問廚房，成功做到出嚟，家人好開心😆養顏棗皇糕 $28棗味香，口感煙韌，又唔會死甜，好食。整體嚟講呢餐味道同服務都滿意，匯豐咭主餐牌仲有88折。