鼎王麻辣鍋 (金巴利道) (已結業)

喺台灣嘅時候最鍾意去鼎王食火鍋，高級享受！香港呢間鼎王比台灣貴，但環境同食飯質素，仲有服務都唔錯我哋叫咗鴛鴦湯底，即係酸菜白肉同埋麻辣鴨血酸菜白肉揀咗中酸，食落係帶有少少酸味，又唔會好嗆口，幾開胃！而我最愛嘅鴨血麻辣湯底竟然可以揀「走油」女人恩物呀！！食落去真係好似冇平時麻辣湯底咁油膩，而且每一舊鴨血都有大塊又滑，豆腐都好吸汁侍應好好，每次見到我哋食到差唔多就會自動再添鴨血同豆腐仲有酸菜，唔使自己叫咁尷尬醬汁有兩款，一款係豉油加醋，另一款係腐乳，我比較鐘意後者，因為少有，感覺幾新鮮火鍋材料其實唔係點左好多，有牛柏葉、牛丸同埋肥牛牛柏葉幾爽口特級牛肉睇起上黎脂肪唔多，本身好驚佢好嚡口，不過店員溫馨提示叫我地滾4-5秒就食得，我就滾到佢岩岩好粉紅色，食落真係幾嫩口，牛味又重最驚喜係呢一碟黑椒濃汁牛丸可以算係食過最好味的牛丸 平時食凍肉店的牛丸係爽口，都有牛味； 而呢一款係有牛味之餘，仲有少少牛肉汁滲出黎，好香好好食最後飲番杯水蜜桃紅茶解油膩感好滿足的一餐。一開始覺得價錢略貴，但因為佢無限添加鴨血同酸菜，唔係叫好多野食都 夠晒飽，抵番晒！