大家樂 (百合苑商場(第9期))

营业中

休息中

星期日下午去睇戲前走去大家樂食tea. 講真食得大家樂都唔會對食物質數太大期望…友人叫左朱扒飽配粟米，成為28蚊。 朱扒薄時飽太厚，想飽肚一定無問題……我叫左個鷄翼配黑白朱半個再加火腿米粉一碗……成為29蚊，份量比想象中多。鷄翼好味，黑白朱就唔夠熱。米粉食左半已經好飽，所以交比友人接收。大家各叫了一杯熱奶茶，友人話茶味與奶味配合得剛剛好，比另一間連鎖快餐店好得多。友人既忙於接收我果半碗米粉，又要品嚐奶茶……結果成杯奶茶倒瀉晒，枱一半時地一半……！！唉………唔想其他食客被整污，急忙通知清潔阿姐代清理，無形中增加了清潔阿姐既工作量，深感抱歉。但阿姐卻很有禮貌地點頭示意不打緊，然後轉頭就遞上一杯全新熱奶茶，實在已經令人感動。她還説忘記同時給我們糖包，要想再去幫忙攞，我連聲道謝説不用了。怎好意思呢！阿姐邊拖地，看見我仍努力急救被奶茶浸過既手提，又一次主動遞上一大疊紙巾呢………萬分感謝！謝謝"羅琴蔥"清潔阿姐，你讓我們食了一個好溫暖既下午茶。