影片
更多
2009-02-19
10 浏览
其實早在一年前開始我都間唔使去食，但發覺食物水準都無乜大改進，來來去去都係個幾味，不過無所為啦，佢勝在有幾款甜出面少有。早前某一個星期六晚上，我同男友睇完戲番到去元朗去左綿綿冰食番個糖水，搵左個UNCLE侍應落單，個過程對話如下： 男友：要個波蘿雪芭同埋一個蘆薈花茶涼粉 UNCLE：......唔............唔好意思，要一個波蘿雪芭同埋一個咩話？ 男友：蘆薈花茶涼粉 UNCLE：......唔...........啊，幾錢話？(自顧自寫單同埋揭餐牌，同埋你係侍應，唔係應該了解哂個menu咩？？？男友幫手指俾佢睇向咩位置同指埋俾佢睇幾錢。) UNCLE：一個波蘿雪芭同埋一個.....蘆薈花茶啊呵？我當時開始火黎，心諗，同一樣野你要問我兩次，仲要我指埋你睇係乜，仲要再錯？係路唔係路？ＯＫ算，我當你新黎。 我：(大大聲)係蘆薈花茶涼粉 UNCLE：多謝哂兩位(但張單寫左分幾鐘)轉個頭UNCLE同一個抹緊枱的肥阿姐話要波蘿雪芭同埋一個茉利花茶涼粉，我唔知係個姐的聽覺有問題定係個UNCLE的表達能力有問題，個肥阿姐又問 肥阿姐：要凍定熱？由於個晚都比較凍，有得選擇當然要熱食啦，其實我
早前某一個星期六晚上，我同男友睇完戲番到去元朗去左綿綿冰食番個糖水，搵左個UNCLE侍應落單，個過程對話如下：
男友：要個波蘿雪芭同埋一個蘆薈花茶涼粉
UNCLE：......唔............唔好意思，要一個波蘿雪芭同埋一個咩話？
男友：蘆薈花茶涼粉
UNCLE：......唔...........啊，幾錢話？(自顧自寫單同埋揭餐牌，同埋你係侍應，唔係應該了解哂個menu咩？？？男友幫手指俾佢睇向咩位置同指埋俾佢睇幾錢。)
UNCLE：一個波蘿雪芭同埋一個.....蘆薈花茶啊呵？
我當時開始火黎，心諗，同一樣野你要問我兩次，仲要我指埋你睇係乜，仲要再錯？係路唔係路？ＯＫ算，我當你新黎。
我：(大大聲)係蘆薈花茶涼粉
UNCLE：多謝哂兩位(但張單寫左分幾鐘)
轉個頭UNCLE同一個抹緊枱的肥阿姐話要波蘿雪芭同埋一個茉利花茶涼粉，我唔知係個姐的聽覺有問題定係個UNCLE的表達能力有問題，個肥阿姐又問
肥阿姐：要凍定熱？
由於個晚都比較凍，有得選擇當然要熱食啦，其實我都覺得好新奇，乜涼粉有熱食咩？咁特別就即管試下。
我：有熱咩？咁要熱啊唔該！
先黎一個波蘿雪芭，無耐黎左一杯熱野，我搵暈哂都唔見有涼粉。
我：唔好意思，我係要花茶涼粉喎，呢杯好似係花茶。
UNCLE：唔好意思你叫咩架？
我：我叫的係蘆薈花茶涼粉，而家你來左個花茶俾我
UNCLE：(又自顧自check單同Menu)......15蚊啊....唔好意思請你等等，我換過俾你
肥阿姐：(好慌張咁走過來大大聲咁問) 先頭問你要凍定熱，你又話要熱？
男友：阿姐，你無野啊，係你自己先頭問我地要凍定熱，你問得我，有得選擇緊係要熱啦。
肥阿姐：(支支JUM支支JUM + 妙咀妙舌)
男友：(終於忍唔住) 阿姐，家下係你地聽錯野問錯野，係咪你自己有問題呢？我地斷唔會為左欺騙你個杯十五蚊的飲品而叫一個二十蚊的涼粉掛？
論食物質素同款式，尚算可以啦，但論服務質素就差到貼地lar，劉華話頭 "今時今日咁GE服務點得架？"，咁樣大大聲話個客？咁樣Serve客邊得架？出錯食品就要改番單，而唔係質疑個客係咪叫錯野，講真要我投一票俾佢，我實在投唔落手。
张贴