影片
更多
2023-02-09
40 浏览
該店門口位置需要自助取票輪候座位，當時20:08已取票眼見仲有3個號碼，人有三急所以就去左旁邊the one 商場去廁所，剛好準備落返去之際，收到THE GULU app 提示已叫到我地既號碼，正當我地落返到去到餐廳既時候，( 當時過左5分鐘左右 ) ，巳經過左4個號碼，而店員A告知我地因為過左3個號碼，當時20:50，等左大概40分鐘既我地需要重新取票等候，好！唔緊要，再排過！到我地再等到有位時，當時係9點正，店員B就同我地講 : 唔好意思，過左last order la ! 一副漠不關心嘅樣子咁接住同我地講 : 我地亦都無位俾你地啦 ！！感到極為無奈既我地就同返店員B反映返，係當時另一位店員A需要我地重新排過，而店員A亦都無提醒過我地，10分鐘後既9點，就會last order ，過左亦都唔會安排座位。當時遠處既店員A聽到我地既反映之後，亦都無行出黎去為事件作出任何回應，而只係低下頭繼續佢既工作。而當時店員B無覺得係店員既責任之際去表示歉意，只係隨即轉臉咁同我地講 : 咁我地俾返張枱俾你地啦！想提醒店員，客人有腦既，呢頭話last order 無枱俾你，轉頭就話俾返張枱你，即係其
到我地再等到有位時，當時係9點正，店員B就同我地講 : 唔好意思，過左last order la ! 一副漠不關心嘅樣子咁接住同我地講 : 我地亦都無位俾你地啦 ！！
感到極為無奈既我地就同返店員B反映返，係當時另一位店員A需要我地重新排過，而店員A亦都無提醒過我地，10分鐘後既9點，就會last order ，過左亦都唔會安排座位。
當時遠處既店員A聽到我地既反映之後，亦都無行出黎去為事件作出任何回應，而只係低下頭繼續佢既工作。
而當時店員B無覺得係店員既責任之際去表示歉意，只係隨即轉臉咁同我地講 : 咁我地俾返張枱俾你地啦！
想提醒店員，客人有腦既，呢頭話last order 無枱俾你，轉頭就話俾返張枱你，即係其實係有枱？
對今次事件對本店既店員既誠信同責任感到非常失望，本應期待第一次既用餐體驗，已變成該餐廳最後一次既輪候座位體驗。
本人亦一直有餐廳既管理經驗，只希望管理層亦需要好好反省，員工係代表品牌既形象，野食幾好食，服務態度差就真係會令人大打折扣。
张贴