影片
更多
2022-06-05
473 浏览
一向知道丼丼屋多人等位，而且地方細，所以今日破天荒5:00pm就入到場，諗住開開心心食個飯。因為疫情關係，最近真係少咗嚟幫襯。同埋平時真係怕咗要排隊等位，多數會轉食其他餐廳就算。不過一直都好掛住佢嘅紫色薯仔沙律、牛油果沙律。所以今日滿懷期待。而家要手機點餐。但係手機點餐實在睇唔到啲相，所以最後叫佢比實體餐牌我。有點失望，因為睇餐牌知道佢嘅牛油果沙律已經轉咗做大蝦沙律🥗🥹🥹🥹。不過只係文字列明，張相就冇轉。嗌咗大蝦雜錦刺身set，其實個刺身係幾新鮮嘅，大蝦鮮甜、三文魚都係，係吞拿魚就爭啲。不過最失望嘅係，佢嘅薯仔沙律，竟然變咗幾粒豆。公道啲講句，嗰幾粒豆唔難食嘅，只不過係同心目中嘅期望有落差。然後六點之前就食完，見到佢多客開始入場，我哋都唔想佔佢嘅座位。所以就行咗去收銀埋單，然後我係好心講笑咁樣，同收銀員講：「你好呀😊，我想反映一樣嘢，就係頭先嗌咗呢個餐，點知冇嗰個紫色嘅薯仔沙律，所以好失望。」其實都係想講兩句，反映下比佢哋聽。點知對方竟然話：「吓，我哋轉左呢個豆，冇薯仔沙律已經成年！（然後用手指指住啲細字）呢度亦都好清楚咁講明，我哋嘅side dish係可以定期轉換。」自問我用嘅語氣都
因為疫情關係，最近真係少咗嚟幫襯。同埋平時真係怕咗要排隊等位，多數會轉食其他餐廳就算。不過一直都好掛住佢嘅紫色薯仔沙律、牛油果沙律。所以今日滿懷期待。
而家要手機點餐。但係手機點餐實在睇唔到啲相，所以最後叫佢比實體餐牌我。有點失望，因為睇餐牌知道佢嘅牛油果沙律已經轉咗做大蝦沙律🥗🥹🥹🥹。不過只係文字列明，張相就冇轉。
嗌咗大蝦雜錦刺身set，其實個刺身係幾新鮮嘅，大蝦鮮甜、三文魚都係，係吞拿魚就爭啲。不過最失望嘅係，佢嘅薯仔沙律，竟然變咗幾粒豆。公道啲講句，嗰幾粒豆唔難食嘅，只不過係同心目中嘅期望有落差。
然後六點之前就食完，見到佢多客開始入場，我哋都唔想佔佢嘅座位。所以就行咗去收銀埋單，然後我係好心講笑咁樣，同收銀員講：「你好呀😊，我想反映一樣嘢，就係頭先嗌咗呢個餐，點知冇嗰個紫色嘅薯仔沙律，所以好失望。」其實都係想講兩句，反映下比佢哋聽。點知對方竟然話：「吓，我哋轉左呢個豆，冇薯仔沙律已經成年！（然後用手指指住啲細字）呢度亦都好清楚咁講明，我哋嘅side dish係可以定期轉換。」
自問我用嘅語氣都係好平常，好正路咁樣想反映意見，你一句咁樣「得」埋嚟，真係令到客人好唔舒服。我心諗：「唔該晒囉！可能我真係一年冇幫襯，我使唔使say sorry先？」同埋如果你已經轉咗個款一年，唔該你同步啲相就轉埋！仲有，回應客人嘅時候，可唔可以多少少同理心？我又冇話投訴你公司，唔使即刻講明你哋已經喺細字寫咗出嚟咁自保😟。
都係果句，食物質素冇問題，但係呢個反映意見嘅體驗，真係令我未來有排都唔會嚟幫襯🫠👋。仲會將呢個體驗講比最少10個人聽。今時今日，食肆林立，我真係唔需要再幫襯你。😌
张贴
