影片
更多
2015-10-29
1583 浏览
今晚心郁郁諗住同家人來食飯, 因為之前去過其他地方的富臨都幾好, 諗住冇死, 就試下, 點知換來的係一肚氣!!!本身個場都冇咩人, 心知不妙, 不過都算....叫左個大閘蟹, 不過不失. 都OK既, 但係之後就開始黎料.....我地叫左個"椒鹽白飯魚", 但係點知黎左個"椒鹽魷魚", 心諗: 唔係掛, 咁快出事? 我都算, 只係叫個侍應換左佢, 但係果個侍應冇換不得止, 仲要強迫叫個客人: "幫幫忙, 要左佢", 下? 而家係你地落錯單, 點解要我地去食D唔係自己要的野? 仲好笑的係, 我家人嬲嬲地唔想睬佢, 繼續食野, 擺到明好唔想要, 點知果個侍應就伸到個頭落一落, 係我家人耳邊, 貼到好埋話: "好冇? 幫幫手, 至多我送個糖水俾你!" , 心諗: 同你好熟? 之後我家人唔想搞大件事, 就話算...之後黎左個水鴨湯, 好好笑, 係人都知呢D細檯仔, 你放得個煲湯黎根本上冇咩位裝湯和渣, 咁點解唔好去第2度裝哂先上? 反正隔離檯冇人, 咁唔係仲好? 乾乾淨淨, 同埋我未見過一個侍應裝湯和渣可以用成個幾2個字時間, 仲要人地食緊野係度搞黎搞去, 真係好唔識做, 食得好唔安樂, 好想同
本身個場都冇咩人, 心知不妙, 不過都算....
叫左個大閘蟹, 不過不失. 都OK既, 但係之後就開始黎料.....
我地叫左個"椒鹽白飯魚", 但係點知黎左個"椒鹽魷魚", 心諗: 唔係掛, 咁快出事? 我都算, 只係叫個侍應換左佢, 但係果個侍應冇換不得止, 仲要強迫叫個客人: "幫幫忙, 要左佢", 下? 而家係你地落錯單, 點解要我地去食D唔係自己要的野? 仲好笑的係, 我家人嬲嬲地唔想睬佢, 繼續食野, 擺到明好唔想要, 點知果個侍應就伸到個頭落一落, 係我家人耳邊, 貼到好埋話: "好冇? 幫幫手, 至多我送個糖水俾你!" , 心諗: 同你好熟? 之後我家人唔想搞大件事, 就話算...
之後黎左個水鴨湯, 好好笑, 係人都知呢D細檯仔, 你放得個煲湯黎根本上冇咩位裝湯和渣, 咁點解唔好去第2度裝哂先上? 反正隔離檯冇人, 咁唔係仲好? 乾乾淨淨, 同埋我未見過一個侍應裝湯和渣可以用成個幾2個字時間, 仲要人地食緊野係度搞黎搞去, 真係好唔識做, 食得好唔安樂, 好想同佢講放低, 我地自己搞!
個水鴨湯, 見到真係好唔開胃, 成碗野我只係見到一層厚厚的油, 好恐怖, 仲要係冇渣係入面, 一D都唔想飲....飲落... 好淡冇味, 好似加左好多水咁! 仲差過出面茶餐廳... D渣, 碎濕濕, 說好的水鴨呢? 得果2隻腳...仲要係浸淋得好恐怖!!! 最搞笑的係, 佢地居然用雞當水鴨兩溝!!!! 偷工減料得出哂面!!! 你真係唔好當我傻連雞同水鴨都分唔出啦!!
個侍應由上湯, 上多碟菜足足用左成10-15分鐘!!! 人地食緊野, 見住你隻手不斷係張檯遊走, 擺呢樣擺果樣, 食野的興致冇哂!!! 會唔會有點過分呢?
對了, 仲未講個"糖水", 佢話送"糖水", 以為係紅豆沙之類的, 點知係"桂花糕"!!! "糖水"同"甜品" 的分別.....哈~ 仲未夠, 上"桂花糕"諗住賠罪, 點知個侍應行左去成5分鐘都唔見左影, 原來去左做其他野, 心諗: 人地就白白等個甜品, 張檯空空如也, 你會唔會覺得有一絲的唔好意思呢? 講送野聲大大, 點知又係咁!!! 本人頓時上火, 但被家人禁住! 唔想搞大件事. 三催四請, 要親自行到去佢面前講先至送上來, 好似我地好狠你個甜品咁!! 吧閉到.... 送到上黎, 收哂我地D碗碗碟碟, 要我地用手承住黎食, D糕仲要易散, 碟野放係檯中間叉過來都要一段路, 跌過幾次係檯污漕冇食.
個"桂花糕"完全冇味! 食了兩口即冇胃口!!
28 浏览
0 赞好
0 留言
大閘蟹
25 浏览
0 赞好
0 留言
题外话/补充资料：
見到咁多"恐怖野" 再SEARCH下呢間, 原來有咁多負評!! 搵餐廳之前真係要睇清楚, 如果唔係"中招"! 連我自己係一個咩都食的人都覺得好唔掂, 特登開POST打篇咁長的野, 就足以表達我對今餐食物和侍應服務有幾咁的不快!!!
埋單$6XX, 但質素仲九流過.....我都唔識形容!!!
打算去食的... 三思再三思!!!
(以上食记乃用户个人意见 , 并不代表OpenRice之观点。)
张贴
