影片
更多
2010-07-26
23 浏览
平時都想去食架喇，但一直都就唔到時間，見有Ｄ時間就諗住同女朋友去試下喇，等位等左大約十五分鐘左右，都叫可以接受，但一埋去同個職員想話登記拎籌既時候，佢兩個就剩係掛住傾計，我企左O係度10幾秒,佢兩個都可以當我透明咁，最後要我要講左兩三聲唔該先知道我存在，仲要唔好意思都無句，身為顧客既我完全接受唔到呢一種既工作態度，我諗就算一個茶餐廳既師傅都仲專業過佢地多多聲。 坐低之後，叫個ＳＥＴ ＤＩＮＮＥＲ，一個前菜（無得自選，全部ＳＥＴ死晒，最後搞到我地食左一啖就成碟無食放埋一邊）簡直難食到爆，食到呢度希望主菜會好少少喇，叫左牛仔骨同辣豬肉，呢一味都叫好食喇，起碼牛炒得岩岩好，但豬又炒得太辣喇，完全食左幾塊就要飲水，個傳統石頭飯，完全唔知咩黎，我覺得係一碟「豬哨」炒埋一碟既飯，完全係伴菜多過飯，碟炒粉絲又係，垃圾一碟，上檯既時候完全係唔熱，最後個豆腐湯，個味道叫做可以接受，但金菇係一整舊上囉！！完全唔係用心機去整，整柚子蜜就最評價最高，但係杯野係自己屋企都可以沖到黎飲，所以完全無乜驚喜，埋單既時候，見到自己俾左百幾蚊出黎食呢Ｄ垃圾，早知去樓下食碗魚蛋粉都無咁嬲，最後就係佢坐個位係有盞射燈照
坐低之後，叫個ＳＥＴ ＤＩＮＮＥＲ，一個前菜（無得自選，全部ＳＥＴ死晒，最後搞到我地食左一啖就成碟無食放埋一邊）簡直難食到爆，食到呢度希望主菜會好少少喇，叫左牛仔骨同辣豬肉，呢一味都叫好食喇，起碼牛炒得岩岩好，但豬又炒得太辣喇，完全食左幾塊就要飲水，個傳統石頭飯，完全唔知咩黎，我覺得係一碟「豬哨」炒埋一碟既飯，完全係伴菜多過飯，碟炒粉絲又係，垃圾一碟，上檯既時候完全係唔熱，最後個豆腐湯，個味道叫做可以接受，但金菇係一整舊上囉！！完全唔係用心機去整，整柚子蜜就最評價最高，但係杯野係自己屋企都可以沖到黎飲，所以完全無乜驚喜，埋單既時候，見到自己俾左百幾蚊出黎食呢Ｄ垃圾，早知去樓下食碗魚蛋粉都無咁嬲，最後就係佢坐個位係有盞射燈照住，坐唔夠十分鐘個人就好熱，好唔舒服，Ｄ野本身唔好食，環境又差，下次就算請埋我都唔會再番黎食！！一次都嫌多！我希望佢快Ｄ改善，一係就快Ｄ執笠，等其他有誠意將美食帶俾客人既食肆繼續提供服務。
张贴
