海底撈火鍋 (九龍行)

营业中

休息中

朋友生日，指明要去海底撈，要個閃燈浮誇生日牌慶祝喎。預先訂位，所以唔需要等就直接入。香港地方少，同內地唔同，眼見張四人枱可以迫五至七人，唔係呀麻，好彩我地剛剛四人，就算四個人都只係剛剛好，唔可以叫舒適鬆動。湯底㨂了四款，麻辣湯，雜菇鍋，牛肉鍋同牛乳湯，四個湯底最好味係雜菇湯，濃郁的肝菌味，配響鈴、凍豆腐、紅薯粉、冬菇一流，味道好夾。麻辣湯唔夠辣，食落只有麻。其餘兩個湯底太普通，不用寫了。我地叫了很多得多火鍋配料：牛羊是不少得的，另外還有手打丸，老油條，配料整整佈滿了三層架及一整張枱。分享特別的經歷：其實有些配料我們沒有點的，傳菜員送錯了，我們同服務員說，她查閱完後，確定送錯了，但公司規定衛生問題，她只能掉食物，不能回收到廚房，就這樣，她送了幾款食物給我們。食物質素正常，無咩特別驚喜，材料都係新鮮。最開心睇表演，功夫麵，變臉仲好精彩，咁近睇真係第一次，完全找不到破綻位。最後，個生日牌要出場了，生日牌差不多枱枱都要用，我地沒有預備蛋糕，服務員很細心地自制了一個。