老巴剎廚房 (已結業)

前幾日晚上9:30分放工後去幫襯，老闆娘勁吋,服務態度勁差！擺明趕客！好心咪學人做服務性行業啦。第一宗罪: 沒有人招呼帶位，我們只好自己找了一張"吉"枱坐底後，之後一名四眼仔待應放下一楝碗及一堆筷子在枱面，位都不擺，轉身就走咗去，我們要自己鋪枱墊同擺碗筷。第二宗罪: 9:40分order 完了海南雞半隻、炒通菜、半打沙嗲後，兩分鐘後再加一碟炒蘿蔔糕，老闆娘勁吋話有咩好鬼叫，我哋10点後不再落order，後來老闆娘又拿住一盤水滴滴的碗重重放在我們枱上(因我們坐近放碗筷櫃旁的四人枱) ，一边同其他待應打牙較，一邊放碗筷在櫃內，攪到我們成枱都係水，枱都不枺乾，完事後就走了，真係太差勁！！第三宗罪: 終於有嘢食來，先來蘿蔔糕，再來沙嗲，但之後等了差不多20分鐘，我們都食完，其他餸未到，就問那位老闆娘，佢話通菜一早己經冇晒，海南雞漏了單，因他們廚房在10点幾已經收爐，所以那晚我們只吃了一碟炒蘿蔔糕和半打串燒，加埋一肚氣就走。