韓朝盛韓國料理 (已結業)

同朋友相約食韓燒，今次叫咗個二人Set A，牛肉拼盤配海鮮鍋，但個人私心想食B set個薯仔豬骨煲，一問之下，店員就幫我轉左😍 先上咗八款小菜，個人最欣賞甜甜地嘅蜜糖醃薯仔同埋白色嗰碟蘿蔔絲，酸酸甜甜但係仲有少少辣味，好開胃，用嚟配牛肉一流！牛肉拼盤：有牛小排同埋牛肉碎，見啲牛肉色澤麻麻地，諗住都唔太好食….點知真係人不可以貌相店員先幫我哋燒條牛小排，原來啲牛肉好軟熟，而且佢哋醃過，唔使點醬汁都好夠味，之後店員建議我哋可以用大蒜生菜包住塊牛肉，再點佢哋嘅秘製醬汁，令口感同埋味道都昇華整個燒肉過程中，店員同我哋換左五次燒網…..呢個真心要讚！之後就到我最期待嘅薯仔豬骨煲，入面大概有五舊豬骨，初頭嫌佢唔夠多，但係原來食埋啲薯仔好飽，最後都食唔晒，而且啲湯冇韓國食嘅咁辣，岩返香港人口味，用嚟送飯一流！（可愛嘅阿朱媽見到不停送飯，好親切地提我留肚食多啲豬骨🤣）*個薯仔豬骨煲大致都不錯，不過個人麻麻哋紫蘇葉陣味，下次再嚟食會叫店員幫我走紫蘇葉最後，甜品可以簡紅棗茶或者雪糕，個紅棗茶係人手煲，好足料，忍唔住飲埋友個杯，值得推介！飲完同早餐，店員話送個雪糕俾我哋，但係我哋已經食唔落了.呢個服務態度及