平時都會去食早餐， 以前會間中去食晚餐， 但由於食物質素大不如前同服務實在太不知所謂， 依家晚市已經冇咗去， 只不過都係貪方便先間中去食早餐。
服務差都算， 茶餐廳要求不能太高 ，反正食完就走， 去結帳嗰陣時， 咁用八達通付款啦， 跟住新嚟嗰位收銀搞咗好耐， 手機八達通亦顯示已經扣了款項， 點知佢話收唔到叫個老闆出嚟 ，個老闆走黎話公司電腦收唔到錢， 叫我再另外畀現金， 本身諗住費事嘈，畀咗佢先。
咁佢叫我打去八達通公司查詢， 點知八達通公司了解完件事都表示完全不合理， 表示根本唔應該再畀錢佢， 交易紀錄已經係一個好明確嘅證據， 證明我已經付了款 ，仲叫我即刻去拎番錢， 商戶話收唔到錢應該佢哋打去同佢查詢。 返到去個收銀態度已經麻麻地， 點知個老闆仲帶我遊花園， 叫我留電話有消息再通知我 ，即刻火都嚟，本身餐廳叫我同八達通公司查詢，人哋叫我落嚟拎返錢， 你又拖拖拉拉唔肯畀， 個幾十蚊咁少但都要拖個客，出面冇一間公司咁樣處理， 完全未見過間咁不知所謂嘅餐廳，唔怪之得啲客越嚟越少， 完全係趕客！
一D唔好意都唔覺得佢有， 並冇為客人造成不便 ， 仲好意思叫我留電話，等佢有消息再通知我！伏，服務中曬伏， 成個筲箕灣區，服務最差一定係佢！
以上食记乃用户个人意见 , 并不代表OpenRice之观点。
赞好
FeiJChung
今日第二次黎呢間野，首先，服務態度進步左好多好多，三個月前黎，服務差到想講粗口，相反，今次既服務值得比小費講完服務，講下d餐具先同上次一樣，髒到你想直接走唔好意思都要講句，大佬你收緊80up一個晚餐仲烏joe過茶*真係黎幾次都頂唔順好心個老闆搵到錢就換晒d杯杯碗碗啦第三，食物上次叫左兩味送一味係雞煲雞唔熟，仲凍晒2係茄子煲，半個煲係油今次食既係咕嚕肉難得既係今次無乜問題硬係要搵問題講既，就係咕嚕肉太硬(可能粉太多)汁水色水超暗超淡，可能放太耐但講真，80蚊算係咁上下今次食評講住咁多先希望下次黎，d杯杯碗碗可以乾淨dps用茶拎手刷左3分鐘
tonyho1111
最差服務就係嗰個老闆 ( 一個中年男人)，成日黑口黑面咁, 至於食物對比起兩三年前差咗好多, 都係咁難食, 嗰啲 xx煲，半個煲都係油。
用餐途径
堂食
