影片
更多
2011-11-15
14 浏览
朋友介紹說這間餐廳好吃，十月初已經BOOK，原本BOOK星期一，後來因其中一位朋友有事要改期，打去改星期二，職員說星期二冷氣維修，未知開唔開，到星期二當天，朋友再打電話去，職員說當天餐廳會照常開，但他卻沒有幫我朋友HOLD檯。當時只覺得去唔到好可惜，又想，或者是我朋友和職員之間溝通不良，沒想過是Service 問題 死心不息月尾再BOOK，首先餐廳個LOCATION非常難搵，已打電話去問，搭左職員指示的升降機之後，一出LIFT竟然在間賣衫褲鞋的舖頭裡面，無任何Signage，咁正常人都會走返出間SHOP再搵間餐廳，於是我就行勻全層揾足十分鐘都搵唔到， 原來間餐廳竟然要穿過間衫褲鞋舖頭行到最入先搵到個入口，建議職員可以貼心少少話埋比客聽，出LIFT轉左，咁個客就行少好多冤枉路了 好啦，大家終於人齊(因為個個都搵唔到路) ，講講餐廳環境，都幾舒服，但原來裡面好細，得幾張檯，唔怪得咁難BOOK了~ (我意思即係話，難BOOK係因為地方細而唔係因為好食) 我地講左好耐都未決定到食乜，而我一路以為會比左麵包先，因為好多更出名既西餐廳(例如Amaroni’s) 都係客一坐低就比麵包，點知等極都無
死心不息月尾再BOOK，首先餐廳個LOCATION非常難搵，已打電話去問，搭左職員指示的升降機之後，一出LIFT竟然在間賣衫褲鞋的舖頭裡面，無任何Signage，咁正常人都會走返出間SHOP再搵間餐廳，於是我就行勻全層揾足十分鐘都搵唔到， 原來間餐廳竟然要穿過間衫褲鞋舖頭行到最入先搵到個入口，建議職員可以貼心少少話埋比客聽，出LIFT轉左，咁個客就行少好多冤枉路了
好啦，大家終於人齊(因為個個都搵唔到路) ，講講餐廳環境，都幾舒服，但原來裡面好細，得幾張檯，唔怪得咁難BOOK了~ (我意思即係話，難BOOK係因為地方細而唔係因為好食)
我地講左好耐都未決定到食乜，而我一路以為會比左麵包先，因為好多更出名既西餐廳(例如Amaroni’s) 都係客一坐低就比麵包，點知等極都無，原來呢度係要落左ORDER先會比，講真，呢度既價錢又唔見得比同類型餐廳經濟，但SERVICE就比不上人地囉，只係麵包咁少事都要咁計較，很怕客人吃了麵包之後離去嗎？
落了ORDER後，以為有麵包了，又沒有，追問之下，因為麵包要焗熱 -_- 效率真的很差，因為等了咁耐，其實已經很餓了，然後出了三個麵包(但我們有五個人) ，侍應解釋說焗唔切…唉…咁又何苦呢?
食物，尚算可以，這樣的價錢，可以更好。但其中一個SET的PASTA，份量細得很誇張，他們說是SET SIZE…當然心情已不太好所以沒有拍照
因為是慶祝生日，所以朋友準備了蛋糕，存在餐廳裡，我們吹完蠟燭之後，侍應問：”切晒定切四件？”正常你會覺得，切四件的意思，不是切晒成個，RIGHT？我們回答他：切四件。結果，切出來之後是一個CAKE平分四份 -_- 我真係好想知道如果我話切晒，佢會點切法的。
埋單時更勞氣，餐廳竟然收取$100切餅費，第一，事先沒有任何人向我們說明要收切餅費，第二，$100也太過分了吧….經我們理論之後，他們將切餅費減至$50 … again …. 何苦呢，你地覺得你比左咩Extra service 值得收 $100 ? 又不見得有咩特別，只係一個沒有用腦的切餅和比多幾隻叉和碟…點解係都要搞到D客Piss off 晒先安樂？
同行朋友也一致地表明不會再來這間餐廳。
张贴