堤岸酒吧及餐廳

营业中

休息中

信用卡優惠，半價可以試下set dinner, 地點有d難搵，到門口又唔知上樓梯好定落樓梯好，先上樓梯，望落似bar無人上黎招呼，都係落返樓梯，終於有人招呼，樓下都係有個bar枱，不過無live band stage，想坐outdoor嘅都惟有樓下先有。坐咗出去outdoor，有d黑，set dinner menu都有唔少選擇，成個set由頭到尾都有得揀，前菜沙律同餐飽，同餐飽一齊上嘅仲有4款醬，其中牛油、黑醋、橄欖油都有齊，特別係另外一款廚師特製番茄醬，食飽都有咁多選擇，功夫做足。食完餐湯同沙律之後開始有d大風，個manager就提議我地調去indoor坐，怕一陣會落雨，真體貼。主菜揀咗"三文魚扒伴意大利飯"(個名唔係好記得)，三文魚唔腥，仲好大舊，意大利飯d汁好味，飯粒軟硬適中，當中混合咗柚子皮，香氣清新。飯上面有d白色一粒粒食唔出係咩，請教侍應亦獲有禮回覆，原來係希臘芝士，味道淡淡地。最後甜品係生果盤，但上碟花了心思，食得特別開心。總體各樣都有水準，半價優惠後更是物超所值。