入餐廳之前店員有幫手量體溫，而且入口處仲設有口罩套同埋酒精搓手液。
餐廳空間感好大，枱與枱之間都有適當距離～
而且裝修得好靚，坐得好舒服
坐低左之後侍應主動行埋黎介紹左個menu。
我食果時咁岩係餐廳一週年，所以就直接叫左呢個lunch set～
HKD$98包餐湯、餐包、沙律、主菜同埋餐飲都幾抵食
一黎到賣相都已經覺得好靚
我食果日個餐湯係火腿蓉粟米南瓜湯，好好味
佢同傳統西式南瓜湯唔同，係用左個高湯底去配埋南瓜蓉去煮出黎，所以一d都唔膩得黎，仲好香
個餐包都好正，佢同平時食果d牛角包唔同，入面個組織好密，而且個包勁回彈
外皮係酥皮所以好脆，但入面扎實得黎軟硬適中
至於個主菜就係法國夏季鮮黑松露野菌扁意大利粉～
意粉面頭鋪左好多鮮黑松露，賣相好打卡able
而且食落唔係平時果d gas味，而係有淡淡松露香
佢個意粉汁好creamy，而且超級掛面，條條意粉都比d汁包住晒
意粉整到al dente，岩岩好
餐飲就最後叫，我叫左個凍檸茶
茶底比平時飲嘅淡左少少，濃返d就完美:)
