Le Café de Joël Robuchon (已結業)

今日真係好熱，男友想去捉精靈噃，於是我地就去左海運，喺室內捉有冷氣之餘，順便行下誠品。幾年前曾經住過一段時間醫院，男友嗰時喺呢間餐廳買左藍精靈macaron嚟鼓勵我，好開心今日可以同佢一齊嚟呢度。餐廳環境同價錢都係走高檔路線，食物好味；但服務質素，好差，差過茶餐廳。男友叫左$308的set lunch(無影相)，頭盤有餐包同煎帶子，主菜係忌廉煎鱈魚，仲有一杯餐飲。我就散叫左Maine lobster and braised seafood with toasted brioche and French fries。食物精緻吸引，餐包都係暖嘅。set liunch頭盤有兩大隻帶子，食落有啲薑葱味，唔知廚師係咪用左薑葱嚟煎帶子呢。個人認為有啲怪，嘥左啲帶子。我點的燴海鮮有半隻小龍蝦，少量青口、魷魚，同埋三文魚，不過海鮮的味道就俾番茄汁蓋過哂喇。兩塊toasted brioche 軟熟香口，用嚟送番茄汁流。呢間餐廳上下員工都唔鍾意笑。無論帶我地坐低的、落單的、上菜的，到最後埋單的，每個都係黑面的。當server上菜俾我時，跟碟的匙羹仔跌左落我張櫈度，佢無幫我換。呢個價錢，咁嘅服務，真係唔值。