校長燒肉日韓料理 (沙咀道) (已結業)

首先，食物真系麻麻哋，对食物有要求嘅就唔好嚟咗，根本唔得，不过呢个价钱本来都冇谂特别好，只系想应付一餐先，所以我觉得唔好食都冇所谓。但系滴野食唔得你就提升吓你滴服务态度啦，我唔知我系去食饭定系去受罪咯😂侍应一直甩脸色畀人睇，甚至最後仲企住喺睇住人食，眼神真系唔系友善嘅，睇嘅人好唔舒服，呢世未睇过人食嘢要企住睇？不如你同我坐下一齐食啦，高高在上个样唔知嘅以为我冇畀钱，定系少畀你哋钱，本来食嘢开开心心，畀佢企喺度睇咗好耐，我系你老母呀一直睇？我唔知我做错乜嘢惹到了她🥺，不过你都唔应该甩面色畀人啦，你唔好做侍应呀，你做乜侍应不如你去做老板，攞人工就系嚟畀面色的客睇嘅。唔系话我想要乜嘢上天嘅服务态度，不过至少唔应该畀人面色，尊重吓客啦，我都只系想安安静静食餐饭啫，我就想问呢个就系你哋嘅服务态度？唔服务仲串嘅要死，真系好嬲，由头到尾我对你哋冇唔礼貌唔尊重，反倒系你连少少嘅尊重都冇，最後想叫换纸都唔畀换，仲赶人走，餐饭真系食嘅超级差劲，我第一次去食饭仲要睇人面色😂想体验呢种俾人睇住食饭，仲要串嘅要死，高高在上以为自己不得了的服务态度，嚟呢度就对啦！仲要系畀钱享受呢～总而言之，呢世都唔会再去，好後悔