香港達人 (卓爾廣場) (已結業)

今日中午1點去同老婆2個人食lunch。 去到時門口冇人等位，入面仲有好多空位。當時門口reception 有2個一男一女的侍應，同女的講2人，佢就叫我地入去坐。見有一枱卡座剛離開，就坐下來諗住點餐同叫侍應執枱。等左一陣都冇人得閒招呼，就叫其中一人執枱，佢就話要等一陣。點知轉頭門口個戴眼鏡的男侍應過黎問我地有冇攞飛？！話有人等枱喎。我地覺得好奇怪，話比佢知明明頭先一個人都冇，係你地同事叫我地入去喎。點知條友就咁走左去。之後原本叫我地入去坐的女侍應過黎只是叫我地出返去攞飛，冇任何解釋！我地同佢講我係你叫我地入黎坐的。但佢都係叫的我地出去攞飛！咁差的服務就唔想再幫趁，去其他餐廳好過！不知所謂！