蟠龍半島餐廳

营业中

休息中

疫情之前都會經常幫襯，餐廳經理都會介紹啲食物，服務都幾好，價錢雖然較貴但係都可以接受，見咁耐冇幫襯就嚟食啦，餐廳經理唔見咗，得一個女侍應，唔叫水都唔斟，食海鮮拼盤碟又唔俾，叫咗兩個牛扒同一個海鮮拼盤，海鮮拼盤唔新鮮，啲翡翠螺都未解凍，蝦又梅梅地，南瓜湯同沙律都可以，兩個牛扒叫咗五成熟，嚟到一個10成熟，切都切唔開，另一個仲衰切開啲肉怪怪地，好明顯唔係用新鮮牛扒，兩個都難食，好韌，埋單食咗千幾蚊，依個價錢，依個質素，唔怪之得成晚得我一枱客，仲要收九點，真係冇下次，伏到暈！