影片
电话号码
24889466
开饭介绍
主打时令海鲜烧烤及各式秘制酱汁烧肉等的意大利菜餐厅，除了室内用餐外，亦有提供大型灵天BBQ场地、烧烤用品及服务。欢迎包场，餐厅同时提供泊车位方便驾驶人士。
继续阅读
附加资料
承接小型宴会。
本餐厅主打菜式：扒原只龙虾、羊架及每日空运时令生蚝等等。
营业时间
今日营业
12:00 - 16:00
18:00 - 22:00
星期一至日
12:00 - 16:00
18:00 - 22:00
以上资料只供参考，请与餐厅确认详情
-
网上订座服务暂停
周末想揾个地方同另一半享受二人世界？💖 不如去屯门黄金海岸啦！🏖️ 喺沙滩睇完日落之后，行11分钟就到呢间高质西餐厅 Nova Café！✨🤩佢哋嘅二人套餐真系好正！除咗可以叹到丰富嘅海鲜拼盘，仲有两款自选主菜添！😋 我哋叫咗忌廉汁三文鱼意粉🍝同埋西班牙海鲜烩饭🥘，两个都超级好味！🤤 海鲜拼盘劲新鲜，生蚝🦪、鲍鱼🐚、红虾🦐、翡翠螺🐌样样齐！👍🏻 另外，炭烧威灵顿香草羊架🍖都值得一试，羊肉好嫩滑，完全冇膻味！💯最后一定要试埋佢哋嘅甜品🍮——奶冻！🥛 牛奶味超级浓郁，入口即溶，真系好幸福啊！🥰环境方面，餐厅装修简约舒适，好有情调，啱晒情侣撑枱脚！🥂 呢度仲有得免费泊车，下次同另一半嚟屯门，一定要试吓 Nova Café！❤️
继续阅读
环境幽静，舒适！免费泊车，职员服务很好。食物质素高，午餐很多选择，各种肉数都有。最喜爱猪扒，煮得恰到好处。吃完可到附近黄金海岸散步，欣赏海景，实在一流！👍🏻👍🏻👍🏻
继续阅读
疫情之前都会经常帮衬，餐厅经理都会介绍啲食物，服务都几好，价钱虽然较贵但系都可以接受，见咁耐冇帮衬就嚟食啦，餐厅经理唔见咗，得一个女侍应，唔叫水都唔斟，食海鲜拼盘碟又唔俾，叫咗两个牛扒同一个海鲜拼盘，海鲜拼盘唔新鲜，啲翡翠螺都未解冻，虾又梅梅地，南瓜汤同沙律都可以，两个牛扒叫咗五成熟，嚟到一个10成熟，切都切唔开，另一个仲衰切开啲肉怪怪地，好明显唔系用新鲜牛扒，两个都难食，好韧，埋单食咗千几蚊，依个价钱，依个质素，唔怪之得成晚得我一枱客，仲要收九点，真系冇下次，伏到晕！
继续阅读
系黄金海岸附近睇下有咩餐厅，一search之下呢间都真系几吸引我🤔 因为佢并唔系系黄金海岸商场/酒店𠮶边，系黄金海岸二期隔离，系蟠龙半岛𠮶边，系西餐嚟🤓父亲节我哋一行六人本身叫咗4个餐，之后再嗌多咗𠮶🤓 味道系真系几好，但性价比真系唔算高，呢度食得一系住呢头，一系就特登揸车过嚟🫣 佢set dinner，主菜外有沙律、汤、甜品同饮品，沙律系尼哥斯吞拿鱼沙律🥗，佢做到卖相，但𠮶吞拿鱼就无乜味😂 汤都okay嘅🤔 甜品可以形容有卖相但好难食😂 饮品就正正常常嘅奶茶咖啡，无乜特别😗到主菜了🤓珍寳带子意式茄蓉海鲜烩饭 $378 - 好普通水准嘅烩饭，完全唔值呢𠮶价😂香煎三文鱼柳拼帆立贝松露忌廉汁 $388 - 外脆内软嘅三文鱼，味道质素都唔错，但一定唔值呢个价🤔炭烧黑毛猪鞍配菠萝 $448 - 呢𠮶都俾我想像中超水准，整得一啲都唔Un，都真系几好食😋烤焗寳酥羊架配露丝玛莉汁 $448 - 整得好好👍🏻呢𠮶我会形容为必叫，不过呢𠮶再encore再一𠮶set，水准做得返，但size做唔返，希望俾客人嘅份量都可以平均啲🤔呢三个都有𠮶共通点，就系佢啲薯蓉做得好滑，就咁食/加埋主菜/啲sauce食都好正🤤中间仲有啲小插曲，佢会上完沙律再上汤，咁我哋share，所以叫𠮶女员工俾两只碗仔我哋，佢问我哋系咪俾小朋友用😲(我哋6个点睇都一定系大人)，不过佢之后都识收返话好🫢 之后佢话无碗仔，拎咗两只碟嚟🫨 我呆咗望住大家，之后再举手🙋🏻♀️话要碗仔，佢又拎到😂 整体嚟讲，呢度食物质素系okay嘅，环境都真系几舒服嘅，服务态度就睇下边个serve你，其实女同事都唔系差，系无用心去睇𠮶客要乜🫨 佢送汤嚟，台面又无其他嘢食😂 唔知系因为父亲节先调高价钱定点(我睇返Openrice之前啲menu好似无调高到)，如果呢𠮶系平时嘅价钱，就只可以嗌扒餐😂 因为都算值得试下，特别系羊架🤔 如果对肉无乜特别喜好，就唔应该选择呢度，加埋选址成件事相对普通🤔
继续阅读
今日朋友生日就book咗呢间餐厅喺龙珠岛𠮶边，餐厅楼下有得免费泊车，揸车嚟系好方便。我哋系夜晚嘅时候嚟食，叫咗佢哋嘅Set Dinner我嗌咗个安格斯肉眼扒，好好味！呢个质素呢个价钱我觉得几抵食，我今次叫咗medium啲肉都好嫩又冇根。同埋真系好多肉汁，值得一试👍🏻另外我朋友佢叫猪仔骨，店员落枱𠮶下真系吓一吓，超大份！！份量好够🤤而且都唔会好韧。整体嚟讲叫咗呢两个主菜都系好好味，有水准。最后我哋叫咗两个甜品，因为我朋友生日所以叫咗店员写生日祝福。叫咗一个心太软同芝士蛋糕，个心太软仲配左一球雪糕。个心太软做到流心之余个蛋糕面仲要系好松软，仲要佢唔会好甜。另外个芝士蛋糕都好重芝士味同埋feel到好足料。用两个好好味嘅甜品作句号呢餐饭我地都食得好满意。个环境都好舒服，亦都好靓🤭配合埋餐厅播嘅歌令人地好放松，好适合同朋友倾偈，因为环境都好静👍🏻👍🏻店员服务态度都好好，好有礼貌。推荐推荐
继续阅读