裕珍樓 (已結業)

和一班朋友識左十年，想有個十年聚會，大家叫我搵餐廳，我就找到這間，因為這間餐廳有任食蒸海鮮，又在旺角旺區，所以特意來試一次。本來對這間酒樓都沒有太大期望，只是覺得唔限時，在旺角已經絕跡。我地比較早到，所以唔太多人，經理很好，介紹酒樓的格局和食品的種類比我地知。可能見我地好似遠度而來，所以特別好招呼。我們點了蒸海鮮任食，海鮮可點五款，其他可以任點任食，還有龍蝦和龍躉任選一款。我們一致認為要龍躉比龍蝦更適合，因為龍蝦不知夠唔夠四位食。以下便是本日我們吃的：龍躉分量十足，很抵食，四人有一條，分開兩碟，雖然唔算太新鮮。基圍蝦都幾新鮮，每人大約兩隻左右貝殼類都可以，不過有一部分開唔到，不過同佢講，佢地會換返比你，都唔會點不滿。肉丸是自己打做的，唔係買即貨，好有誠意。除了即點的蒸火鍋，還有些熟食，可以挑選，大部分是前菜，可以在等候蒸的時間吃一點。最後當然要試這個充滿海鮮味的排骨粥，很錦、排骨很多，朋友話見佢落左一碗排骨呀！