影片
更多
2022-05-06
1180 浏览
等左咁耐，終於有夜晚堂食喇！所以今晚就要同朋友擦餐飽，滿足返個肚嘅需要，我哋就揀左食雞煲放題。呢間雞煲地方好大，全層都係佢。裝修用左七八十年代老香港做背景，懷舊有特色。環境都幾乾淨，坐得都舒服。飲品任飲出去自取，除左罐裝汽水同埋樽裝無氣飲品外，仲有自家製冬瓜茶同桂花烏龍茶。呢度自家製桂花烏龍茶無糖，冬瓜茶又唔太甜，幾好。我哋叫左個小辣雞煲，唔知係咪太耐無食辣，入口已經覺得辣味十足，好惹味。雞整得好入味，但又唔會太咸。一句講晒：正👍！！！食完雞煲，我哋就叫職員幫我哋換左個清湯煲打邊爐。呢度用qr code落單，種類都多架，我哋樣樣都叫d，每樣嘢份量剛好，一人一份，可以食多d唔同嘢食。肉類：雪花肥牛比較瘦，幾靚，又唔韌喎；滑牛肉就比較厚身，好有口感；頂級梅頭豬肉切切薄薄，容易熟，入口滑滑。海鮮類：是日海鮮係蟶子，唔算太細粒，甜甜帶鮮味；海中蝦size正常，蝦肉爽口，兩款海鮮都幾新鮮。炸物類：趣趣炸蝦片真係好脆；自家製響鈴卷同炸魚皮都好大舊，大塊，唔會碎碎咁，同樣脆脆；忌廉芝士煙肉薯波熱辣辣，好有薯仔炸香果種味道。丸類：墨魚滑、魚腐、炸魚片頭同埋魚皮餃各款質素都唔錯。菇類：金菇比平時食開嘅粗
呢間雞煲地方好大，全層都係佢。裝修用左七八十年代老香港做背景，懷舊有特色。環境都幾乾淨，坐得都舒服。
飲品任飲出去自取，除左罐裝汽水同埋樽裝無氣飲品外，仲有自家製冬瓜茶同桂花烏龍茶。呢度自家製桂花烏龍茶無糖，冬瓜茶又唔太甜，幾好。
我哋叫左個小辣雞煲，唔知係咪太耐無食辣，入口已經覺得辣味十足，好惹味。雞整得好入味，但又唔會太咸。一句講晒：正👍！！！
食完雞煲，我哋就叫職員幫我哋換左個清湯煲打邊爐。呢度用qr code落單，種類都多架，我哋樣樣都叫d，每樣嘢份量剛好，一人一份，可以食多d唔同嘢食。肉類：雪花肥牛比較瘦，幾靚，又唔韌喎；滑牛肉就比較厚身，好有口感；頂級梅頭豬肉切切薄薄，容易熟，入口滑滑。
海鮮類：是日海鮮係蟶子，唔算太細粒，甜甜帶鮮味；海中蝦size正常，蝦肉爽口，兩款海鮮都幾新鮮。
炸物類：趣趣炸蝦片真係好脆；自家製響鈴卷同炸魚皮都好大舊，大塊，唔會碎碎咁，同樣脆脆；忌廉芝士煙肉薯波熱辣辣，好有薯仔炸香果種味道。
丸類：墨魚滑、魚腐、炸魚片頭同埋魚皮餃各款質素都唔錯。
菇類：金菇比平時食開嘅粗身，秀珍菇比又比平時食開嘅大隻喎，食落覺得好有存在感。
食完肉d飽肚嘢，又係時候食返d菜清清佢。菜就在出面雪櫃攞，我攞左西洋菜同生菜。菜洗得好乾淨，兩款菜淥完都好綠色，唔黃，食落甜同爽口，好新鮮。
其實都已經好飽，但點都要食吓甜品。呢度係自斟軟雪糕，怕肥就揀原味乳酪，唔怕肥就可揀抹茶雪糕啦。我就揀左抹茶雪糕，淡淡抹茶味，入口冰凍，真係啱晒而加開始熱嘅天氣食。
张贴
