B-mix 燒肉餐酒館 (已結業)

B-mix 燒肉餐酒館 (元朗)元朗鳳攸南街9號好順利大廈2座商場1樓2-3號舖大年初三，去完行大運，就同個仔去食烤肉，有得食，有得玩。裝修非常新潮，適合年青人聚頭，仲有K房可以唱歌添，座位非常寬敞闊落，真係打橫十字瞓喺度都得。B-mix燒肉套餐2人$588B-mix 沙律🥗蔬菜，夠新鮮。B-mix 丼飯流心蛋撈紫菜飯極好食，仲有魚子更加鮮甜。刺身三點盛有帶子，甜蝦同埋八爪魚🐙全部都冰凍鮮甜。先付二品酸酸甜甜嘅蘿蔔，做前菜好開胃。時令海鮮三盛盤有鮑魚，帶子同埋生蠔，蒜蓉牛油煮，真係好惹味，鮑魚彈牙爽口。薩摩赤雞腿肉用燒汁去烤厚身嘅雞肉，肉質鮮嫩，入味。南非鴕鳥腎好大舊，燒得比較耐，超脆爽口。安格斯牛小排肉質鮮嫩，容易熟，燒汁入味，牛味香濃。安格斯牛粒油脂濃烈，軟滑香濃。厚切牛舌心Q彈厚實，非常足料。野菜盤（甜薯，冬菇，南瓜）冬菇超鮮甜，南瓜超好食，甜薯一粒一啖易入口。白桃梳打葡萄🍇梳打日本生產嘅果汁，送燒烤一流。