浦和日本料理 (已結業)

之前有次同朋友約食飯，想去個間爆哂，突然朋友醒起呢度有間放間就去試，結果我食上瘾由2月開始就一直一個月去食一次，最鍾意佢唔限時可以舒服傾計，野食又嚟得快，個陣一入座就會跟人頭每位送兩件壽司我上次去無咗，但啲食物水準反而高咗，唔知係咪轉咗老細，要求高咗呢？啲刺身唔錯，不過好多地方都用碎冰墊底，但其實啲冰都唔乾淨，墊底變咗好似都唔乾淨咁(個人感覺)不過啲刺身係新鮮嘅，可惜第一輪先有甜蝦送，之後都無得叫呢個芝士焗蠔真係無得輸，有次食涼咗啲，但之後好多時都熱哄哄，真係好好食。呢次分享係我去過咁多次嘅總結，嚟緊星期五我又約咗朋友去食，到時再寫篇新鮮嘅，正呀！！