只 (已結業)

好耐冇見過大學一齊住宿舍嘅宿友啦！一日就約咗出嚟去high tea。宿友揀咗依間位於尖沙咀樓上咖啡店，都真係位置有啲難搵，搵咗一陣先搵到。我叫咗綠茶紅豆窩夫，上碟嘅時候，見到擺得幾有心機，窩父係一層層疊起咗。宿友就叫咗杯抹茶飲品，我好鍾意佢嘅賣相可愛，兔仔嘅餐具真係好滿足少女心呀。餐廳環境方面，面積唔算大，但係都坐得舒服，唱上面有乾花嘅裝飾，最緊要唔會太逼夾。如果下次有朋友聚會嘅話, 都會考慮下依度。