神戶屋日韓放題

今日同朋友出去旺角食lunch👭，行兆萬中心見到呢間放題，有日又有韓，即刻就行入去試下.

門口reception 個男仔都好有禮貌咁招呼我地入去卡位坐，環境幾好，又舒服。

樓面哥哥仔擺低左張首輪刺身紙比我地，我地都拿拿林劃紙遞單，肚仔餓🙈。

5,6分鐘左右，刺身已經到左啦，即刻試下食，刺身夠凍夠肥美，尤其係帶子👍🏻👍🏻好正喔！

之後仲黎左個部隊鍋😍午餐肉好好味。

熟食夠熱，炸物好正👍🏻我特別推薦炸紫薯波波，芝士波波等，呢啲炸物都整得好好味。

拉麵🍜，黎到已經聞到好香，細細碗，味道不錯。

總括來講，侍應服務態度幾好，剌身夠凍，熟食夠脆夠熱，臨走時，佢仲提我地食埋甜品同雪糕🍦❤️