為食仔海鮮火鍋專門店

营业中

休息中

話說Facebook最近見到好吸引卜卜蜆煲，咁就同班朋友一齊食下啦首先叫左個卜卜蜆同招牌龍蝦湯底，個賣相好吸引，卜卜蜆好清甜個湯好鮮，我地8個人每個人都分到10隻8隻左右所以都唔錯，跟住呢就係個龍蝦湯底喇，龍蝦就一隻我地人多每人一舊啦，咁仲有蝦呀蜆呀，都唔錯，不過我舊龍蝦好似騷騷地咁，個湯底就好鮮甜，打完邊爐都飲左幾啖。朋友叫左個3層牛拼盤，再有手切肥牛，因為我唔食牛既所以唔知好唔好食，但佢地話都好薄身。叫左d 蝦蟹籽丸，好爽，有個芝士蝦丸都好爽好食，紫菜響鈴第一次食都幾好，鵝腸好爽，個蝦刺身都新鮮，椒鹽豆腐好食，皇帝菜都新鮮不過份量太少一份得果幾條，其實每份份量都唔多，丸都係得6粒，蝦滑豆卜無乜特別，仲有叫左餃子雲吞都幾好食。其實我地都食左好多野下仲有d無影食到後期，墨魚滑，墨魚滑面鯪魚魚麵，烏冬，無叫海鮮，個牛肉3層果個500蚊左右，一大碟果個就300左右一份，所以埋單係3600幾，有位朋友生日所以除開每人500幾。係牛肉貴同埋加一，醬料錢18蚊一位。。一般啦，以前黎過幾次，做雞煲優惠果時，印象中唔貴，可能今次豪食左？飲品叫左酸梅湯都幾好飲又大杯，個汽水罐污糟左叫哥哥換佢直情比多罐