影片
更多
2018-04-08
966 浏览
朋友都有分好多種，我哋呢啲養狗嘅人士，唔少得有啲狗友，平時除咗一齊放狗之外 ，定時定候都會聚一聚！今次就決定食呢間富臨，叫小菜大家慢慢傾慢慢嘆。有女士通常都會帶啲湯水飲下，叫咗呢個金銀菜燉白肺湯，老實講呀，平時喺屋企真係好少會煲白肺湯，工序又繁複，通常出街見到都會叫嚟飲！味道都OK ,如果濃郁啲就更加正！跟住叫咗個金裝拼盤，有燒腩仔、鴨胸、腐皮卷同埋炸豆腐。份量好鬼足，啲男士食到舔舔脷！果皮蒸鮑魚仔，雖然叫做鮑魚仔，但都其實幾大隻架！平時出去食好多時候都好有咬口，呢度就蒸得啱啱好，唔會太韌。另外有叫咗一個木桶豉油雞，因為朋友好鬼鍾意食雞，一坐低已經嗌住要叫返隻雞食下！味道都唔錯，不過因為坐嘅位置冷氣比較大，吹凍咗就冇咁熱辣辣時咁好食。所以幾時都話嘢一定要趁熱食啊！接着嘅係黑椒頂級牛仔骨，有男人就當然多啲肉類啦！估唔到又係幾好食，呢碟仲要係最快清點嘅一個餸！啲黑椒味超級香口，男人食緊牛仔骨嘅時候，我哋就清晒入邊啲配菜，好鬼惹味！頭先咪話有個朋友好鍾意食雞，其實我覺得佢係鍾意食燒味。見佢一話叫完隻雞之後又話要食叉燒，仲要個叉燒係後加嘅，我都有少少驚食唔晒呀。點知佢哋真係清鬼晒好恐怖！除咗燒
有女士通常都會帶啲湯水飲下，叫咗呢個金銀菜燉白肺湯，老實講呀，平時喺屋企真係好少會煲白肺湯，工序又繁複，通常出街見到都會叫嚟飲！味道都OK ,如果濃郁啲就更加正！
跟住叫咗個金裝拼盤，有燒腩仔、鴨胸、腐皮卷同埋炸豆腐。份量好鬼足，啲男士食到舔舔脷！
果皮蒸鮑魚仔，雖然叫做鮑魚仔，但都其實幾大隻架！平時出去食好多時候都好有咬口，呢度就蒸得啱啱好，唔會太韌。
另外有叫咗一個木桶豉油雞，因為朋友好鬼鍾意食雞，一坐低已經嗌住要叫返隻雞食下！味道都唔錯，不過因為坐嘅位置冷氣比較大，吹凍咗就冇咁熱辣辣時咁好食。所以幾時都話嘢一定要趁熱食啊！
接着嘅係黑椒頂級牛仔骨，有男人就當然多啲肉類啦！估唔到又係幾好食，呢碟仲要係最快清點嘅一個餸！啲黑椒味超級香口，男人食緊牛仔骨嘅時候，我哋就清晒入邊啲配菜，好鬼惹味！
頭先咪話有個朋友好鍾意食雞，其實我覺得佢係鍾意食燒味。見佢一話叫完隻雞之後又話要食叉燒，仲要個叉燒係後加嘅，我都有少少驚食唔晒呀。點知佢哋真係清鬼晒好恐怖！除咗燒味店之外，我好少去酒樓食燒味，點知原來呢度啲燒味真係幾唔錯！啲叉燒係半肥瘦，出嚟嘅時候熱辣辣，淋淋地真係幾好食！
呢個餸當然位女士們而設，花膠北菇玉掌煲，梗係要補下啲骨膠原啦！
最後仲有個咕嚕肉，個皮仲係脆㗎！啲汁掛咗上去，食入口脆卜卜，入面有仲有好多肉汁，唔錯唔錯！
我哋幾個人叫嘢食叫到痴咗線咁，買單都只係每人$200左右，超級抵食呀！我哋下次一定會再嚟！
张贴
