影片
更多
2019-02-19
452 浏览
同好朋友好耐無見,相約7:30pm係葵芳食飯聚舊醉翁之意不在食,在於搵個好嘅位置傾下計由於事前已經book咗位去到亦唔需要等, 店員好快安排我哋入咗店內位置。 Book位嘅時候會問你想坐店內定係室外,我哋揀咗室內!7:30pm已經有半滿既人客,喺區內嘅名氣小店,建議平日都book定枱。 由於我哋都唔係好肚餓,只係叫咗一客三文魚凱撒沙律,一客牛扒配薯條及兩杯飲品。我哋坐嘅位置係一入門口左手面,收銀隔離嗰張圓枱,檯既面積好細,嘢食到曬嘅時候都冇位放。三文魚凱撒沙律麵包粒好大粒,三文魚嘅分量就比較少,只有三片。牛扒配薯菜,分量好充足,薯條炸得好脆。朋友叫咗一杯凍朱古力我冇影到,我就叫咗一壺奶油焦糖茶,係呢度嘅招牌飲品,味道幾得意,唔會太濃,平時比較少機會飲到,試一試無妨。喺呢度食飯都開心嘅,首先因為冇限時我哋唔需要急住走。而且環境暗暗哋舒服嘅,枱與枱之間有一定距離唔會聽到隔離講啲咩staff嘅服務態度都幾好
牛扒配薯菜,分量好充足,薯條炸得好脆。
朋友叫咗一杯凍朱古力我冇影到,我就叫咗一壺奶油焦糖茶,係呢度嘅招牌飲品,味道幾得意,唔會太濃,平時比較少機會飲到,試一試無妨。
喺呢度食飯都開心嘅,首先因為冇限時我哋唔需要急住走。而且環境暗暗哋舒服嘅,枱與枱之間有一定距離唔會聽到隔離講啲咩staff嘅服務態度都幾好
张贴
