影片
更多
2016-12-30
857 浏览
每間放題的菜式也是差不多，食到一餐開心嘅放題要比較它們的cp值，包括價錢、味道和環境。是日跟朋友來了兆萬中心的這間放題，算是補祝生日飯，最特別嘅地方係呢度嘅裝飾上面有啲形狀吊燈，環境昏暗，讓人十分舒服享受放題，再唔係得個＂急＂字。先食一個沙律開胃—蟹籽青瓜沙律。青瓜絲清甜爽口，配上千島沙律醬，超級好食。放題點少得刺身？一盤靚刺身就係放題嘅精髓，叫了帶子、希靈魚、蝦和三文魚。刺身整體鮮甜肥美，而且份量都幾大體，會按點菜紙去決定份量。火炙三文魚壽司火炙特色和牛壽司。火炙三文魚壽司入口即溶，而且魚肉十分軟淋，但不知道為何和牛的質感有點ＵＮ，口感一般。清酒煮蜆酒味唔算濃，味道ＯＫ。間中會食到蜆有沙，但份量十足，值得一讚！多春魚的表面燒得金香，用筷子刮下它的春，好大舊喔！！而且味道清甜爽口，令人一試回味。ＥＮＣＯＲＥ！！芝士黃金焗蠔，熱辣辣的上枱，急不及待！芝士味很重，蠔仔甘香，很好味。金菇肥牛，肥牛嘅表面煎金黃，且看到有不少油花，牛香很重。裡面包住嘅金菇十分軟淋，水分充足，兩者剛好找到一個平衡點，值得再點。燒菠蘿，有唔少放題嘅燒菠蘿都係凍嘅，呢度燒到熱辣辣，而且表面少少燒焦，很滿意。燒雞肉串，
是日跟朋友來了兆萬中心的這間放題，算是補祝生日飯，最特別嘅地方係呢度嘅裝飾上面有啲形狀吊燈，環境昏暗，讓人十分舒服享受放題，再唔係得個＂急＂字。
先食一個沙律開胃—蟹籽青瓜沙律。青瓜絲清甜爽口，配上千島沙律醬，超級好食。
放題點少得刺身？一盤靚刺身就係放題嘅精髓，叫了帶子、希靈魚、蝦和三文魚。刺身整體鮮甜肥美，而且份量都幾大體，會按點菜紙去決定份量。
火炙三文魚壽司火炙特色和牛壽司。火炙三文魚壽司入口即溶，而且魚肉十分軟淋，但不知道為何和牛的質感有點ＵＮ，口感一般。
清酒煮蜆酒味唔算濃，味道ＯＫ。間中會食到蜆有沙，但份量十足，值得一讚！
多春魚的表面燒得金香，用筷子刮下它的春，好大舊喔！！而且味道清甜爽口，令人一試回味。ＥＮＣＯＲＥ！！
芝士黃金焗蠔，熱辣辣的上枱，急不及待！芝士味很重，蠔仔甘香，很好味。
金菇肥牛，肥牛嘅表面煎金黃，且看到有不少油花，牛香很重。裡面包住嘅金菇十分軟淋，水分充足，兩者剛好找到一個平衡點，值得再點。
燒菠蘿，有唔少放題嘅燒菠蘿都係凍嘅，呢度燒到熱辣辣，而且表面少少燒焦，很滿意。
燒雞肉串，雞肉串嘅味道唔再講，是統一的味道。面頭有些芝麻花，令雞肉串嘅味道再一提升。
榴槤炸彈，好少地方有得食，榴槤控不能錯過。外皮炸得金香但粉層不算太厚，吃後不會感到飽飽滯滯的。而中間嘅榴槤蓉像真度極高，真係好似食緊榴槤咁！！（無花無假，榴槤成份真很重。）
人蔘雞湯，人參味道苦苦澀澀，很有益喔
飲品的選擇還可以吧。長期供應的有康師傅、＂可樂＂一系列嘅同烏龍茶，樂天飲品不算齊全，手快有，手慢冇！！拿了烏龍茶、芒果飲品、忌廉溝鮮奶（士多啤梨味）
食物質素唔錯，而且款式有驚喜，早啲入坐仲平一截添！！
张贴
